شهادات من عملائنا

مديرة روضة مدرسية ، خدمت أحلام شريف لمدة 18 عامًا في قطاع السياحة قبل ما تبداء مشروعها الخاص في عام 2010. تخدّم حاليًا في ستة موظفين ، الكلهم نساء.
تحصلت السيدة شريف على تمويل لرائدات الأعمال في عام 2021 من عند دعم. القرض بقيمة 5000 دينار تونسي والّي عاونها باش تشري متريال جديد باش تحسن في مشروعها.
” القطاع متاعنا تأثر بشكل كبير من الحجر الصحي المتكرر بسبب أزمة COVID19 ” .
هذاكا علاش توجهت لدعم. القرض الّي خذيته من دعم نجمت نحسن به  ونشري المتريال اللازم باش نضمن استمرار نشاطي.
أحلام الشريف
صاحبة مشروع

جيهان الغول عندها شركة عائلية مع راجلها المتخصص في تسويق الحرف اليدوية من 10 سنين ، كانت تبيع الفخّار في ولاية تونس.
مادام جيهان هي من كليونات دعم ، نجمت تستفاد من برامجنا إلي تعمل على المساواة بين الجنسين, وبفضل القرض 8 ملايين الّي تحصلت عليه من دعم نجمت تحسّن رأس مالها العامل وتشري سلعة جديدة باش تعمر مخزونها.
مادام جيهان عندها رؤية واضحة لوين تحب توصل في مشروعها: تحب تربح كليونات جدد وتنوع في المنتجات متاعها. و باش تحقق الهدف متاعها لازم تزيد في مخزونها و لازم زادا تشارك في المعارض الحرفية والتجارية المتنوعة. على خاطر دعم يؤمن برائدات الاعمال اللي كيفها و بطموحاتهم, نحاولو نوفرولهم الدعم اللي يناسبهم و يقوي فرص نجاحهم

جيهان الغول

صاحبة مشروع